我失业了。

 

就好似好多时下啱啱毕业无耐嘅大学生或者月光族一样，手停口停，心里面感到无比嘅饥饿同寒冷。或者睇见我甘可怜，又或者冷酷的资本家都有良心发现嘅时候，阿炯，作为我嘅好兄弟，充分发挥咗和谐社会里面最珍贵嘅嗰一点高尚品质与情操，毫无怨言而且毫不着迹甘向我伸出咗援手，我真系感到无上嘅感激。炯，我话过第日一定帮你买罐好啲嘅奶粉！同样要感激嘅就系花园二人组嘅另外一只动物阿丹，哩只打麻将尖叫声量超过200分贝嘅老龟虽然稍微难顶咗少少，不过大家如果惗通咗原来世间财都系来之不易嘅话，冒住耳膜穿窿嘅风险都系值得嘅。当然世界甘多姿多彩，有甘多好人嘅时候，一啲坏人还是会趁火打劫落井下石雪中泼冷水的，而哩啲人往往系生活系社会嘅上层，生活无忧饭来张口衣来伸手，专门过住一啲剥削中下层人民嘅剩余价值嘅生活。例如有啲已经又系主任、又系业主、又系股东而且夜晚仲会出去炒更做show赚外快嘅钻石王老五啦；又例如有啲已经又系几栋楼嘅业主、又系车主、又系名草有主嘅未婚夫啦；再例如有啲生活已经奔大康、有车有楼养番狗、生活目标只剩低五代同堂嘅年轻丈夫啦。真系林林种种各式各样嘅人都有，不过患难见真情日久见人心，我虽然失业了，但喺感受到兄弟温暖嘅同时又睇到甘多社会嘅阴暗面，都算值得了。

 

愿上帝保佑失业嘅人们！阿门！

 

睇返自己以前嘅相，惗返过去甘多年嘅生活，对比返而家脚踏实地甘工作揾钱，我好真实甘领略到幸福生活的确来之不易。出嚟做嘢要独立，样样靠自己，的确系好攰嘅一件事；而仲要去惗喺独立嘅基础上点样去做好工作同埋努力向上爬，哩个过程就更加艰难。睇到身边好多朋友或多或少喺工作上都有所起色，好为距哋高兴之余，当然亦都为自己打咗一口气，我知道只要有嗰一份努力向上嘅心嘅话，终有一日大家都会成功嘅。从来都觉得自己系唔怕挑战嘅人，因为挑战嘅同时亦都代表住机会，所以往往觉得越多挑战越刺激。摆喺面前嘅哩份挑战可以话系好艰巨，但系我相信只要多那么一点点嘅思考，同那么一点点嘅努力，最终胜利同获益都会系巨大嘅。成功需要时间，或者我哋需要嘅就系那么一点点嘅耐性同坚持，终有一日会创造出比以前更好更幸福嘅生活。

最近中国股市势如破竹，升到砰砰声，好多人都一于唔执输纷纷转做“估民”“饥民”，场面甚为壮观！听闻连七老八十嘅老太婆都走去买基金，出嚟仲问个采访记者基金究竟有无利息，可想而知情况已经系几甘泛滥～～～不过话讲返嚟，又好难怪老百姓对股票如此疯狂，惗下改革开放甘多年，人人赚嚟嘅钱多数都存喺银行，点知一阵又话降息，一阵又话要征收利息税，搞到无啖好食。吚加，终于等到甘好嘅一波牛市，一向觉得炒股如赌博嘅中国老百姓都不顾一切甘阔出去，都想趁机捞返笔。如果话喺牛市里面，无论你系“股民”抑或系“估民”，“饥民”抑或系“基民”都可以赚返啲生活费嘅话，甘残酷嘅股票市场更需要嘅系投资者理性嘅分析同买卖。点解我会话吚加入市嘅好多都系“估民”“饥民”呢？就系因为哩啲所谓嘅“投资者”都存在一定嘅盲目性，个个以为股市系估市，估估下就得。其实到咗好似吚加甘嘅全民炒股嘅时候，市场风险就会无比增大，炒作嘅程度就会越来越高，离损手烂脚嘅时间亦都唔会好远。所以话要做一个真正嘅投资者，最紧要都系先提高下自己嘅素质，懂得窥避风险，理性地面对市场，而唔系盲忡忡一窝蜂甘人云亦云，甘样嘅话对自己，对股票市场，甚至对中国经济都系有利嘅。

 

小心小心～～～

亲爱的悟空，我这封信写的很慢，因为知道你看字不快。我们已经搬家了， 不过地址没改，因为搬家的时候把门牌带来了。这礼拜下两次雨，第一次下3天，第二次下4天。昨天我们去买比撒，店员问我要切成8片还是12片，我说8片就成了，12片吃不完。我给你寄去件外套，怕邮寄时超重，把扣子剪下来放口袋里了。嫦娥生了，因为不知道是男是女，所以不知道你是该当舅舅还是阿姨。最后告诉你本来想给你寄钱。可是信封已经封上了。   元旦快到了,别忘了给孩子们讲讲很久很久很久以前的事：那时候天还是蓝的，水也是绿的，庄稼是长在地里的，猪肉是可以放心吃的，耗子还是怕猫的，法庭是讲理的，结婚是先谈恋爱的，理发店是只管理发的，药是可以治病的，医生是救死扶伤的，拍电影是 需要陪导演睡觉的，照相是要穿衣服的，欠钱是要还的，孩子的爸爸是明确的，学校是 图挣钱的，白痴是不能当教授的，卖狗肉是不能挂羊头的，结婚了是不能泡MM的 ，买东西是要付钱的.

 

祝：圣诞开心 元旦快乐!

工作係为咗生存，反过嚟，工作亦係生存嘅一种形式。有人日日饮到天昏地暗，目的就係为咗将来嘅升迁，至少佢自己係咁认为；有人舒舒服服，坐办公室睇报纸，以生活稳定为个人目标；有人做到一扑一碌，时时刻刻为人着想，到头来都係得个吉；有啲又好似我咁，日日西装骨骨，可惜都係逼公车卖光碟。所以话工作只係一种生存方式，想过得点样，完全可以自己嚟拣。做乜行业无所谓，最紧要就係自己中意同埋适合自己嘅长处，肯畀心机落去做，终有一日你会出人头地嘅。所谓一样米养百样人，好多时人同人都唔需要去刻意对比生活方式，只要自己活得开心，活得精彩，咁就係人生嘅最大一笔财富同收获啦。

 

歌手：黎明 专辑：黎明leon

无名份的浪漫
曲:juwie hassan 词:林夕

从未试过这恐惧仿似孩童被降罪
从未听过这种话使我缓缓滴了泪
当你自认这份情感千样不对
当你自认继续迷恋等如有罪
当你用未用过的神情来回望我
刹那间更象爱侣

从未见过你的脸幽怨迷离象眼前
从未试过这滋味苦涩茫然又带甜
当你默默道别而不知是否会再遇见
当你慢慢荡入人海之前已在怀念
一刹浪漫在这关头如象慢镜
看一生也未看厌

临离别的浪漫却又来得太晚
为何梦幻在分手一刻最灿烂
无名份的浪漫最后留低慨叹
时间能否转慢……

从未试过这么乱仿似无情但有缘
迷乱扑朔这关系今晚柔情的了断

 

曲： 李峻一 词： 李峻一 编： 金培达 

苦荣：传说 世间每个人 也会有一位天使护荫 
陈奕迅：纵使 渺小彷如微尘 仍可栖身当爱人呼吸 
苦荣：可惜 像我这一种人 圣母永远不肯给予怜悯 
陈奕迅：每天 如像苦儿祈求 谁可真心的逗我开心 
苦荣：谁说 会与我骑回旋木马 天黑透了 伴我一起归家 
陈奕迅：是我或你犯错了吗 人被半路撇下 
合唱：受那风吹雨打 
合唱：谁人会爱我这种孤儿仔 
陈奕迅：流落到谷底 
苦荣：恐怕我已是个热恋的后遗 
陈奕迅：无人前来认领肮脏的身体 若想抱抱就等下一世 
合唱：谁要我这种孤儿仔 
陈奕迅：谁赠我安慰 
苦荣：当我摰爱路过 亦不想拾遗 
陈奕迅：谁在从前话我贫穷但美丽 但想抱抱就等待转世 
合唱：我这种身世 
苦荣：谁说 会与我骑回旋木马 天黑透了 伴我一起归家 
陈奕迅：是我或你犯错了吗 人被半路撇下 
合唱：受那风吹雨打 
合唱：谁人会爱我这种孤儿仔 
陈奕迅：流落到谷底 
苦荣：恐怕我已是个热恋的后遗 
陈奕迅：无人前来认领肮脏的身体 若想抱抱就等下一世 
合唱：谁要我这种孤儿仔 
陈奕迅：谁赠我安慰 
苦荣：当我摰爱路过 亦不想拾遗 
陈奕迅：谁在从前话我贫穷但美丽 但想抱抱就等待转世 
合唱：我这种身世 
合唱：谁人会爱我这种孤儿仔 
陈奕迅：流落到谷底 
苦荣：恐怕我已是个热恋的后遗 
陈奕迅：无人前来认领肮脏的身体 若想抱抱就等下一世 
合唱：谁要我这种孤儿仔 
陈奕迅：谁赠我安慰 
苦荣：当我摰爱路过 亦不想拾遗 
陈奕迅：谁在从前话我贫穷但美丽 但想抱抱就等待转世 
合唱：我这种身世 

返嚟个半月有多，好好丑丑都叫做要开工啦，亦都宣示咗我嘅新生活要开始了。一直都喺度研究人生抉择问题，但最后自己都係坚持前途双手创。唔知道将来会点，但至少喺哩一刻我係快乐嘅。好多谢嗰啲曾经喺我揾工上面帮过忙出过力嘅朋友！

工作将会喺广州，所以我都将自己个‘鬪’搬咗过去，同埋一齐住嘅会有老龟同Maxime，一个非常咁特别嘅组合，加埋将会过嚟过小周末嘅肥鹏同大囖，睇嚟广州依然都会係一个令人快乐嘅城市，认真有啲当年Friends嘅感觉。不过点都好啦，快啲积累下工作经验同埋揾到属于自己嘅第一桶金先係最真嘅...

最近听咗华仔好有温情嘅一张新碟《声音》，好中意嗰种细细体味生活嘅音乐味道，喺哩度就同大家分享下哩只《模范生》。

 

难明教不好人我又为谁忙
累到无道德地嬉戏快乐堂
难明最初使命心底千斤钢
每日破嗓子重复跌宕
修改错的英文每夜冒冷汗
其实是我焦虑这症状
没有负担躺在那张冷落睡床
仍碰得生命无悲衰丧

焦虑症曾经可谓了我
我只能听医生说什么
手震也都不敢懒惰
亦承受面对学生的痛楚
支持我全因假使有错
会有可怜眼睛盯紧我
先生要做模范无法躲
纵满身折磨怕痛的
那不是我

如何教好英文怕自问绝望
无法能令德育改进更彷徨
仍然撑起身心不放开空档
接收教改添来的震荡
深知做个好人压力在臂旁
如若为了身酬过生活
或者未需肩负太多责任在旁
而放工之时等于释放

支持我谁都毁不了我
纵很难教
都可以下岗
手震也都不敢懒惰
亦承受面对学生的痛楚
支持我全因假使有错
会有可怜眼睛盯紧我
假使我病了如没去医
偶尔一上床了结的
或者是我

病会好
很清楚
其实学生先必须救助
现时宏愿全部奉献别人未忘我

仲清楚记得上年10月7号醍坊嗰场告别“酒会”，大家都争住帮我玩大话骰单挑基佬；仲清楚记得今年7月19号喺曼城大家一齐陪我打牌决战到天亮；仲清楚记得今年7月21号大家喺龙轩劈到天昏地暗之后继续唱k；仲清楚记得今年7月23号星哥同Sylvia为我准备嘅丰盛嘅最后的午餐然之后齐齐送我去机场；亦清楚咁记得Robin临上飞机之前对我讲嘅嗰一句“感慨万千”...一切一切都係咁清晰，咁历历在目。突然好感慨我哋一班好朋友竟然为咗要各赴前程，而各散东西。一直都讲大家以后相聚嘅时间会越嚟越少啦，事实亦的确如此，以后想好似以前咁人人聚首一堂嘅机会几乎等于0，留返喺度嘅只有以前嗰啲咁珍贵嘅回忆...或者珍惜现在所有嘅一切先係正确嘅生活态度...分分合合原是永恒，我又何必咁介怀哩啲嘢呢?歌仔唱得啱，“时光可变，世界可变，人情亦许多都变迁，友共情不变，那种真找不到缺点。”希望以后可以喺佛山见返大家嗰张“纯真未变”的脸啦...

 

千呼万唤始出来嘅哩出玉蒲囤第六集访问片段终于可以顺利上画啦，希望大家睇得过瘾，笑得开心啦。

 

简单介绍一下人物：

 

主持：

猪姐扮演“花样中年”何曼玉

 

嘉宾：

导演：枫少

编剧：靓仔我

 

Cameraman：

肥星扮演“花样中年”司徒朝伟

 

玉蒲囤两位主角：

杰少扮演玉面书生徐锦江

表嫂扮演yinjian住家菜周淑贞

wow...finally it's the last day in the UK...it happens so fast, so soon...

 

I still remember the first day arrived here four years ago, and now, I am all set to go...I don't feel very emotional abt this leaving thing, but I do appreciate the things I've learnt during the last 4 years here...

 

anyway, life must go on, and surely it's a fun one...

 

c u guys in China and wish us all have a promising future...

 

 

Andy

 

遥远的她(粤语)
张学友

让晚风轻轻吹送了落霞
我已习惯每个傍晚去想她
在远方的她此刻可知道
这段情在我心始终记挂
在这半山那天我知我知快要将别离没说话
望向她却听到她说不要相约
纵使分隔相爱不会害怕
遥遥万里心声有否偏差
正是让这爱试出真与假
遥远的她仿佛这风声跟我话
热情若没变那管它沧桑变化

但这天收到她爸爸的一封信
信里面说血癌已带走她
但觉得空虚的心仿佛已僵化
过去事象炮弹心中爆炸
在这半山这天我悲痛悲痛不已在胡乱说话
夜雨中似听到她说不要相约
纵使分隔相爱不会害怕
人无觅处心声有否偏差
正是让这爱试出真与假
遥远的她仿佛这风声跟我话
热情若没变那管它沧桑变化

遥远的她不可以再归家
我在梦里却始终只有她
遥远的她可知我心中的说话
热情并没变那管它沧桑变化
遥远的她不可以再归家
我在梦里却始终只有她
遥远的她可知我心中的说话
热情并没变那管它沧桑变化

世界杯睇到吚家赛程过半，有几点感想：

 

1. 无冷门。最大嘅冷门可能就係捷克阿斗啦，烂泥扶唔上壁，难为我仲去到捷克帮佢哋打气，嘥心机。好在代替佢出线嘅加纳实力都唔弱，听日巴西对犯规王加纳难免一场恶斗。

 

2. 德国。德国主场踢出咗超水准，踢出咗至今以来最流畅嘅攻势足球。上场对瑞典嘅比赛虽然话係畀保送入8强，但係实力差距依然明显，瑞典再一次沦为东道主嘅受害者。下场睇嚟疯狂嘅阿根廷有难啦，大家记得留意裁判嘅表现先好。

 

3. 费高。葡萄牙可以熬到吚家，寻晚仲搞掂埋年轻力壮嘅荷兰，费高可以话係最大功臣。岁月不饶人，当年喺巴塞要风得风嘅费高吚家转数已经跌晒，但係凭借住老油条嘅经验，费高依然踢出咗高水准嘅比赛，我本人就佩服到五体投地啦。反观佢嘅前队友施丹吚家就真係有心无力啊，差距明显。强烈支持下场葡萄牙对惏英格兰，为中意睇好足球嘅球迷报仇。费高加油～～～

 

4. 乌克兰。赛前曾经预测过乌克兰係黑马，吚家佢哋又真係实实在在咁打入咗8强，可惜唔係靠实力，有啲失望。下场虽然对住残阵意大利，但係相信乌克兰一败亦在所难免。再一次验证咗今届世界杯无冷门嘅事实。

 

5. 裁判。小组赛裁判嘅表现尚可，无乜大嘅漏洞，点知一嚟到淘汰赛，猫腻又出嚟啦，一大堆不知所谓嘅判罚，例如护送德国入8强，入波吹返出嚟，红黄牌满天飞，最后一秒钟嘅错误点球判罚之类，层出不穷。不过作为球迷就睇得好过瘾啦，特别寻晚场葡萄牙对荷兰，下半场我就真係从头笑到落尾，因为唔单止裁判畀牌畀到手软都唔想再畀，而且我仲赢咗餐葡国菜食下，所以话足球真係好鬼令人快乐嘅东西。係咪啊，鹏哥？

 

最后预祝我今次睇好嘅巴西一切顺利啦！！！

第一轮比赛终于打完，32支强队全部亮相，以下係对最后五场比赛嘅一啲睇法。

 

F组：巴西 1：0 克罗地亚

 

重点讲一下巴西哩场比赛。有人话巴西打得唔好，有人话场面好沉闷，场面上的确如此，但係内里却係另有乾坤。如果大家知道克罗地亚哩支球队嘅历史嘅话，就知道哩支球队本身有几难应付。克罗地亚94年世界杯入四强，之后嘅南斯拉夫亦都畀一致认为係欧洲最有技术嘅球队。哩支巴尔干半岛嘅球队无论係足球底蕴同埋能力都係勿庸置疑。从总体上面嚟睇，哩场比赛先係大师级嘅比赛，貌似沉闷嘅比赛场面反过嚟又啱啱显示出巴西高水平嘅技术同战术。上半场喺入波之前双方一直拉锯，大家互有攻守，双方嘅重点都摆喺自己进攻嘅左路，哩个主要係因为郎拿甸奴完全压制住克罗地亚右边路，甚至乎可以讲导致对方右边路完全瘫痪，哩种咁嘅控制力同埋压迫力唔係每个球星都可以做到。卡卡嘅入球係喺巴西进攻嘅右边产生嘅，过程好简单，一停一射，但係当时卡卡嘅空位好大程度上就係郎拿甸奴同卡路士对对方造成嘅压力而产生嘅。下半场巴西嘅控制足球其实发挥得更加淋漓尽致，中脚倒脚传球依然顺畅，打得不急不慢，有机会就攻，无机会嘅时候亦非常耐心，反而克罗地亚有啲老鼠拉龟嘅感觉，尽管最后佢哋的确得到咗两脚有机会嘅射门，但係出嚟嘅效果其实好一般，所以可以睇出埋门能力亦都係两支队嘅根本差距之一。可以总结一句结果，巴西龟打太极推翻克罗地亚老鼠。郎拿甸奴係打得最好嘅球员，中场策应，传球，控制局面一脚踢，佢先係吚家巴西进攻嘅核心；但如果巴西想提升到一个更高嘅层次嘅话，郎拿度同埃迪安奴哩对组合值得斟酌，两个都係状态型机会型球员，球风一向比较懒散，而且目前身体状态又唔係keep得好fit，如果係咁嘅话，罗宾奴同巴迪斯达以后会有更多嘅上场机会同埋表现。

 

其实高水平嘅足球比赛场面唔一定好睇，唔一定场场都踢到好似阿根廷对荷兰咁hum爆头先至精彩。有时结合返目前球队情况，场上局面，以至于个体球员嘅表现就可以大概睇出球队目前水平同状态去到边。而我嘅总结係，巴西以目前情况嚟睇，绝对可以喺今届有所作为，大家不妨继续跟落去。

 

 

G组：法国 0：0 瑞士     南韩 2：1 多哥

 

两场比赛我都无睇，不过就如所料，法国进攻乏力，最后只可以0：0战平瑞士亦不足为奇，所以继续唔睇好法国嘅前景。

 

虽然LEO哥话好憎南韩猪，但係南韩的确打得有声有色，最后仲为亚洲赢得咗今届嘅第一场胜利，可喜可贺就真。全场比赛无睇到，所以亦不便发表太多评论。

 

 

H组：西班牙 4：0 乌克兰     突尼斯 2：2 沙特

 

开始以为处男嘅乌克兰会係黑马，点知畀人一盆冷水照头淋。当然球证嘅几次误判的确对本场乌克兰做成咗致命嘅打击，但係无论从进攻套路同埋球员表现，特别球星舒夫真高嘅表现，乌克兰真係乏善可陈。进攻主要靠长传，中场组织能力不足，前锋得唔到供应，后防又漏洞百出，加埋运气又差到痹，裁判又唔帮忙，可以讲输4粒都算係咁嘎啦。好就好在其实西班牙打得都唔係4：0哩个比分所显示得咁好，主要係球队睇波缺乏一种凌人嘅气势。进攻板斧缺乏，中路发动进攻为主，但稍欠配合。两边无咗云逊迪同祖昆两名球员亦都无好出彩嘅表现。以前嘅球队大佬鲁尔亦都因为喺皇马做工兵做得太耐以致灵气全无被贬为后备，可以讲西班牙如果要想取得更好嘅成绩嘅话，真係仲有好多功夫要做，但係世界杯时间咁短，佢哋又边度有时间嚟调整呢？所以西班牙就算小组出线，淘汰赛亦不被睇好。

 

沙特哩场只可以讲让煮熟的鸭子飞走了，球队下半场嘅努力最后全部付诸东流，可惜可惜～～～

 

第二轮第一场比赛今晚已经打咗，德国再次取得胜利，小组顺利出线已经只有时间问题。波兰班猪油膏就只有执包袱返屋企耕田啦。世界杯就係咁残忍，胜者为王，败者为寇係永恒不变嘅道理。

 

待续...

世界杯前两日又进行咗三个小组六场嘅比赛，总结一句如题。打到吚家各大洲嘅球队都已经陆续亮相，欧洲南美传统劲旅全部顺利获胜，所谓最大嘅冷门亦都只係之前提及过瑞典狂轰不下千里达嗰场波。睇嚟今年世界杯返到欧洲主场，气氛的确好返好多，猫腻似乎都少咗。只有咁样我哋球迷先可以喺往后嘅比赛里面睇到更多精彩嘅强强对话，而唔係咩韩国力尽千辛万苦加时险胜意大利之类。

 

 

C组：荷兰 1：0 赛黑     D组：葡萄牙 1：0 安哥拉

 

赛前曾经睇好赛黑嘅防守，而事实上佢哋嘅防守的确做得非常之好。荷兰基本上全场决杀机会唔多，不过差就差在荷兰有个洛宾，赛黑就得过两个成场碌碌无为基士文同埋米路斯域。所以进攻先係哩场比赛嘅分野。上半场嘅比赛算係一场攻防战，荷兰依然可以好流畅咁喺中场倒脚，不过可惜缺乏以前帕金式人物，致命一脚始终差啲，荷兰进攻可以讲唯一嘅亮点就喺洛宾身上，基本上所有有威胁嘅进攻都要经过佢去创造同埋组织。而下半场进入咗拉锯反而将比赛进入咗垃圾时间。大家应该期待嘅係22号荷兰对阿根廷嘅最后一场小组赛，如果到时双方都可以放松咁踢嘅话，分分钟会係今届世界杯最精彩嘅一场比赛。

 

其实睇返今年好多比赛都係上半场较强一方领先，导致下半场就陷入咗沉闷，因为强嘅唔去攻，弱嘅又攻唔入。所以有时宁愿佢成场都入唔到波仲好睇过。葡萄牙对安哥拉就係另外一个咁样嘅例子。葡萄牙上半场四分钟嘅入球就打懵咗哩支非洲初哥，基本上成个上半场安哥拉都係喺度揾返自己嘅比赛节奏，所以葡萄牙基本上控制咗局面，但係又带唔开记录。下半场又係沉闷中度过。但係同荷兰嗰场比赛唔同，葡萄牙嘅亮点係喺老将嘅费高身上。哩位大家都以为过气嘅球星，完全担当咗葡萄牙中场组织嘅重任，而且有那么些许施丹鼎盛时期嘅影子，打得非常咁聪明同埋悭力。所以话啫，队有一老，如有一宝啊。

 

荷兰同葡萄牙都係进攻非常有特点嘅球队，但係因为注重成绩嘅原因，双方都不约而同咁选择咗稳阵嘅比赛方式。不过相信之后随住比赛嘅重要性逐渐加强，双方表现会越嚟越好。

 

D组：墨西哥 3：1 伊朗     F组：澳洲 3：1 日本

 

两支亚洲队都输咗，而且输得一摸一样，一样咁惨。其实从技术层面同埋组织嚟睇，伊朗同日本一啲都唔输佘，场面上仲一度占先，3：1嘅比赛完全唔係大家真实水平嘅体现。最大嘅分别竟然係体力，伊朗队喺亚洲以体力好著称，但係唔知点解对住墨西哥嘅下半场70分钟就已经踢到缩头乌龟咁，係咁索气，唔知最近係咪畀人攞晒去做核试验。而日本队亦都差唔多係类似嘅情况。所以伊朗70几分钟嗰时畀人连入两粒，而日本仲惨，最后十分钟畀澳洲完成咗帽子戏法，都唔好话唔阴功啊。不过Leo哥哩个愤青就鬼死咁开心啦，因为班侵华日军加埋AV男优终于输到贴地喎。今日将会係韩国对多哥嘅比赛，唔知今年啲韩国佬食高丽参食得够唔够啦，如果唔係结果都好大可能同伊朗日本差唔多。

 

E组：捷克 3：0 美国     意大利 2：0 加纳

 

E组嘅两支强队不约而同咁打起咗进攻足球，场面真係非常好睇。捷克凭借住鲁锡斯基嘅两粒精彩入波，毫无悬念咁打败咗美国队，场面上大部分占优，把握机会能力一流。意大利成场就创造咗无数机会，同之前查珀东尼执教嘅意大利相比，列比吚家实实在在咁将意大利带到咗另外一个档次，场面上好睇，后防仍然相对稳健。而更可喜嘅係托迪终于带起咗大佬嘅重任，克服咗国际比赛表现差嘅不足，可以话波一到佢脚下就一定会有威胁力。

 

捷克意大利同埋阿根廷係到目前嚟讲畀人印象最深刻嘅队伍，亦都希望佢哋可以喺之后嘅比赛走得更远，打出更多更精彩嘅比赛啦。最后期待一下今日巴西对克罗地亚嘅比赛～～～

世界杯两日一共5场比赛质量可以话参差不齐，有好精彩嘅对攻亦都有无聊嘅死守。

 

A组 － 德国 4：2 哥斯达黎加     厄瓜多尔 2：0 波兰

 

德国揭幕战对哥斯达黎加可以话係揭幕战嘅经典之作，6粒入球两个世界波，两个梅开二度。无咗队长波力克，德国喺未尽全力加上稍稍托大嘅情况底下都赢4：2，娱乐咗在场嘅fans唔单止，仲畀我哋睇到咗德国队今届备战的确充分，同埋大有一番作为嘅决心，前景睇好。同组嘅波兰真係令人非常之咁失望，外围赛差啲力压英格兰嗰支球队完全走晒样，个个都好似猪油膏咁，反应慢，速度慢，衰就衰在对住人仔细细嘅厄瓜多尔一啲身体身高优势都显示唔出嚟，净输两粒合情合理。反观厄瓜多尔打得有声有色，不紧不慢，只要之后同哥斯达黎加打成均势嘅话，出线可能就真係高唱入云啦。

 

B组 － 英格兰 1：0 巴拉圭     瑞典 0：0 千里达

 

英格兰就真係垃圾，好在啲猪屎命帮咗佢哋唔少，开场3分钟嘅一个对方摆乌龙令到成场比赛陷入到无比咁沉闷当中，巴拉圭本身亦都唔係咩进攻有特长嘅球队。大家如果睇到合着咗我完全可以理解。埃历臣啲执教水平再一次话畀大家知佢真係好唔掂，一支咁好质素嘅球队竟然打防守反击，满足于1：0嘅比分，真係一啲上进心都无。虽然英格兰稳健嘅球风仍然畀人睇好，不过论球赛水平，英格兰真係越早出局比赛越好睇啊。反观瑞典的确有料到，不过瑞典世界杯嘅运气一向嘛嘛，今次都唔例外，成场狂轰滥炸之后都赢唔到世界杯处男嘅千里达，结果令人失望。不过瑞典的确係好值得球迷同情嘅一支球队，有身体，有技术，最紧要就係精神可嘉，打攻势足球。虽然每次结果都唔好，但个人认为宁愿睇瑞典16强畀淘汰，亦都唔睇英格兰屎桶阵入决赛。

 

C组 － 阿根廷 2：1 象牙海岸

 

第一场死亡之组嘅比赛就已经话咗畀你听，死亡之组里面每一场都係死亡比赛。今日阿根廷对住小组最弱嘅象牙海岸开场差啲畀对手吓咗一跳，象牙海岸身体速度技术样样都唔输佘，不过阿根廷今次就认真体现出大师级嘅水平啦。从一开始就打得有条有理，完全无畀对手嘅速度冲散，卒之喺对手狂砌一段之后稳住咗阵脚，及后就技术性击倒对手。哩场比赛暂时係五场里面最高水平嘅一场。其实睇得出今次阿根廷真係准备得好充分，完全吸取咗上次世界杯嘅教训，而球队嘅状态亦喺一个相当高嘅位置。听日赛黑对荷兰嘅比赛值得期待。虽然阿根廷首场告捷，但係死亡之组局势仍然难料，未到最后一轮比赛边队出线仍然都係未知之数。